​

1. ሕዝቡን ሊደርሱበትና በራሳቸዉ ጥረት ሊሠሩትና ሊቀዳጁት የአማረ የኑሮ ዓይነት ማሳየትና ግንዛቤአቸዉ ዉስጥ እንዲያስገቡ ማድረግ። በግንዛቤአቸዉ ዉስጥ ከገባ ሊመኙ ሊያልሙት ዕቅድ አዉጥተው በስራ ሊተረጉሙት ይችላሉ፡፡ ከግንዛቤዉ ጋር ልዩ ልዩ የኢኮኖሚ ዕድገት ፕሮግራሞች ይዘት በማሳወቅ በመረጡት የሥራ ዘርፍ ቀልጣፋ ሙያ በአጭር ጊዜ እየተማሩ ወደምርቱ አለም እንዲሰማሩ ማገዝ፡፡ ኢንዱስትሪ ለሚሰሩት መሳሪያዎችን እንዴት እንደሚያንቀሳቅሱ ፋብሪካዎች ዉስጥ ደረጃ በደረጃ የሚደረጉት ሥራዎች እንዴት እንደሚሠሩ የዘመናዊ ግብርናንና አግሮ ኢንዱስትሪ እንዴት እንደሚሰሩ ቀልጣፋ ትምህርት ሠጥቶ ሥራ ማስጀመር ቅድመ ትምህርት መጨረስ አያስፈልጉትም። በተለይም በብዙ ሚሊዮን የሚሠማራበት የግንባታ ስራ ስለ ጥንቃቄ ቅድመ ገለጻ ከተሰጠው ሕዝቡ በቀላሉ የሚገነዘበዉና የሚያሳድገዉ ሙያ ነዉ፡፡

2. በስራና በልዩ ልዩ ሙያ ለተሠማሩት ዕዉቀታቸዉን እንዲያዳብሩ ብሎም በአለም ዙሪያ አዲስ ጥበብ ፈጠራ ላይ በሚደረገዉ ዉድድር ተሳታፊ እንዲሆኑ ማነሳሳትና መንገዱን ማስተካከል፡፡

3. ወደ ፊት አገራቸዉን ሕዛባቸውን በልዩ ልዩ ጥልቅ የሙያ መስመር ለማገልገል ለሚፈልጉ የከፋተኛ ትምህርት ዕድል እንዲኖራቸዉ ይህንንም መስመር መዘርጋት ቀጣይነት ያለዉ ምርምርና ፈጠራ ለሰዉ ልጆች ዕድገት ዋና መሠረት ስለሆነ ፋላጎት እንዲያድር ምክርንና ድጋፍን መስጠት፡፤