4ኢፒር - መሐንዲሳዊ ምርት ማጎልመስ 

 

 4ኢፒር ሰፊና ሁሉን ያጠቃለለ ፈጣን የልማት መንገድ ነዉ። በመመሪያዎች እና በዝርዝር በቀረቡት ተሞክሮዎች በመከተል ታዳጊ አገሮች ራሳቸዉን ችለዉ ምርት በማጎልመስ ህዝቦቻቸዉ የተሟላ ኑሮና የዕድገት ደረጃ እንዲደርሱ መንገዱን ያሳያሉ፡፡ ይህንንም የሚቀዳጁት የተፈጥሮን የአካባቢን ሁኔታ በመጠበቅና በመንከባከብ ስለሆነ ዉጤቱ ለአልም ሕዝብ በሙሉ ጠቃሚ ነዉ፡፡ ሕዝቦች ወደታቀደዉ የምርት ደረጃ መድረስ የሚችሉት ግንዛቤና የዕዉቀት ደረጃ በማሳደግ፤ በልዩ ልዩ የስራ መስክ ገብተዉ እንዲሰሩ የሚያስችላቸዉን እዉቀት በድርጊት በመቅሰም፤ ለዚህም እተለያዩ ቀልጣፋ የትምህርት ፕሮግራሞች በመሳተፍ፤ ብሎም ምርታቸዉን በማሳደግ መሆኑን ያሳያል፡፡

 

የ4ኢፒር ፕሮግራሞች በመሐንዲሳዊ መንገድ የተዋቀሩት ዋናዉ ማክንያት የተዉሰበሰቡና የተቆላለፉት የኢኮኖሚ፤ የህብረተሰብ፤ የቴክኒክ፤ የአካባቢ መበላሸትና የመሳሰሉትና ችግሮች ደረጃ በደረጃ በተጨባጭ በመፍታት መልስ ስለሚያስገኝ ነዉ። በተጨማሪም የችግሮች ሁሉ ዋና ስረ መንስኤ ሆነው ሕዝብን በችግር አስሮ ያሉት ዋና ሁለት ምክንያቶች (፩ኛ) ሕዝቡ ቴክኖሎጂን ለመጠቀም ባለመቻሉና (፪ኛ) ምርትን ሊያሻሻል ወይም ሊያሳድግ ባለመቻሉ ናቸው፡፡ መሐንዲሣዊ አሰራር እነዚህን ችግሮች በተቀናጀ መንገድ ለመፍታት ያስችላል፡፡

 

መሐንዲሳዊ አሰራር ማለት ተጨባጭና በድርጊት የሚታዩ ርምጃዎችን በማካሄድ፤ ተሞክረዉ በተደጋጋሚ ጥሩ ዉጤት ያስገኙ መርሃ ግብሮችንና እስታንዳርዶችን በመከተል፤ የተተለሙት ግቦች ዘንድ በአስተማማኝና በተሻለ ዋስትና ሊያደርስ የሚያስችል አሰራር ነዉ፡፡መሐንዲሳዊዉ አሰራር የ4ኢፕር ዋና አካል ሆኖ የቀረበዉ ለረጅም ጊዜ ብዙ የኢኮኖሚ ዕድገቶችን በመመርመርና በማጥፋት፤ በትንሽ ጀምረዉ ከፍተኛ ደረጃ የደረሱ ዓለም አቀፍ ድርጅቶችን ዕድገት በመመርመር፤ ብሎም ግሩም ድንቅና አስደናቂ የሆኑ በልዩ ልዩ ዓለም የተከናወኑ ግዙፍ ወይም ሜጋ ፕሮጀከቶችን መርሆና ተመክሮ በመከተል ነዉ፡፡ በተጨማሪ የኢትዮጵያ የኢኮኖሚ ሁኔታ በቀጥተኛና ምንም አይነት ተጽዕኖ በሌለበት አመለካከት በመመርመር ከአለፉት አርባ ዓመታት እስካሁን የተደረጉ ሥራዎችን፤ ሙከራዎች፤ ዉጤቶችና ተሞክሮዎች በመገንዘብ ከዚያም በመጀመር ነዉ፡፡