የህብረተሰቡን ግንዛቤና ዕዉቀት ማሳደግ

​

በተራራቁ መንደሮችን ገጠሮች ለሚኖረው አብዛኛዉ ሕዝብ ስለተሻለ የአኗኗር ዓይነት ፤ ምርታቸዉን አሳድገዉ ሊያገኙትና ሊደርሱበት እንደሚችሉ ግንዛቤአቸዉን ማሳደግ ፤ የሰዉ ልጆች በተፈጥሮ ያላቸዉ የማስተዋል የማሰብና የፈጠራ ችሎታ በአግባቡ ከተቀሰቀሰ ከፍተኛ ዉጤት ያመጣል፡፡

ዋናዉ ተልዕኮ ህብረተሰቡን በራሳቸዉ ጥረት ዘመናዊ ቤት እየኖሩ ለራሳቸዉ እና ለልጆቻቸዉ ጤናማ የደስታ ህይወት እንደሚኖራቸዉ ቢያዉቁ ሁልጊዜ በማሰብ በመመኘት ታትረዉ ለመስራት ይነሳሳሉ ወደ ሌላ የስራ ዘርፍ ወደግንባታ ሥራ ወደ ኢንዱስትሪና በቴክኖሎጂ ለመጠቀምና ምርት ለማብዛት በከፍተኛ ጉጉት ይነሳሉ፡፡ ሙሉዉን አስነብቡኝ

​

እንከትም፣ ከተሞችን እናብዛ

አሁን ያሉትን ትንንሽ ከተሞችና መንደሮች አጣመርን በተጨማሪም አመቺና ተስማሚ በሆኑ ቦታዎች ላይ ከ አስራአምስትእስከ ሃያ በእቅድ የተመዘገቡ ታላላቅ ከተማዎችን እንገንባ፡፡ በዓለም ውስጥ የተሻሻሉ አገሮች ውስጥ ከ8ዐ በመቶ በላይ የሚሆነው ሕዝብ የሚኖረው በከተማ ነው፡፡ በአንጻሩ ኢትዮጽያ ውስጥ ከተማ ቀመስ አካባቢዎች ውስጥ የሚኖረው ህዝብ 2ዐ በመቶ ብቻ ነው፡፡

ሕዝቦች በታላላቅ ከተሞች ውስጥ መኖር ያለባቸው በሚከተሉት ዋና ምክንያቶች ነው፡፡

• የሕዝቡን መሠረታዊ አገልግሎቶችን፣ ማለትም እንደ ውሃ፣ ኤሌክትሪክ ኃይል፣ የፈሳሽ አገልግሎት፣ ትምህርት ቤትና የጤና አገልግሎት በቀልጣፋና በአነስተኛ ወጪ ለብዙ ሕዝብ ማዳረስ የሚቻለው፡ ከተማ ሲሆን ነው፡፡ እነዚህ አገልግሎቶች በተናጥል ለሚገኙ መንደሮችና ትናንሽ ከተሞች ለማዳረስ አዳጋችና ከፍተኛ ወጭ እንደሚያስፈልግ ግልጽ ነው፡፡

• በትልልቅ ከተሞች የተለያዩ የተሰባጠሩ ተደጋጋፊ የሆኑ የሥራ፣ የአገልግሎት፣ የሙያና የንግድ እንቅስቃሌዎች ስላሉ ሰዎች በሚቀናቸው የሥራ መልክ ተሰልፈው የበለጠ በማምረት ከፍተኛ ገቢ ስለሚያገኙ ከገጠሩ አኗኗር እጅግ በጣም ያማረ ኑሮ መኖር ይችላሉ፡፡

ስለዚህ ትልልቅ ከተማዎችን በመቆርቆር የገጠሩ ሕዝብ ወደ ከተማ ገብቶ የበለጠ በማምረት ኑሮውን ያሻሽል፡፡ ሙሉዉን አስነብቡኝ

 

ኢንዱስትሪ እናስፋፋ

በሀሉም የሀገሪቱ ክፍሎች ኢንዱስትሪዎችን እናቋቁም የኢንዱስትሪዎች መቋቋም ለብዙ ሕዝብ የሥራ እድል ይከፍታል፡፡ የኢንዱስትሪዎችም አብዥዘኛው ምርት አሊያም ምርቱ በሙሉ አገር ውስጥ ተፈላጊ ነው፡፡ በአሁኑ ጊዜ የመግዛት አቅሙ ስለሌለው ከ85 በመቶ በላይ የሚሆነው የኢትዮጽየ ሕዝብ ኢንዱስትሪ በተሠሩ እቃዎች አይገለገልም፡፡ ምርቱን ሲያዳብር ገቢውም ሲጨምር የተሻለ ኑሮ ለመኖር የኢንዱስትሪ ምርቶች በሰፊው ስለሚፈልግ አገር ውስጥ መሠራቱ ጥቅሙ እጥፍ ድርብ ነው፡፡

ልዩ ልዩ መሣሪያዎች፣ የቤት እቃዎች፣ መድኃኒቶች፣ ኬሚካሎች፡ ፐላስቲኮች፣ የሕንጻ እቃዎች፣ የኤሌክትሮኒክስ እቃዋችና ሌሎችም ለብዙ ሚሊዮን ሕዝብ የሚበቃ  ይፈለጋል፡፡ ይህ ዓይነቱ ፍላጐት ሊዳረስ የሚችለው አገር ውስጥ ሲሠሩ ነው፡፡ ይህም በአሁኑ ጊዜ 5 በመቶ ብቻ በኢንዱስትሪ ሥራ የተሰማራውን የኢትዮጽያ ሕዝብ ቁጥር ወደ 30 በመቶ ሊያሳድገውና እንደአደጉት አገሮች ሕዝብ የስራ ስምሪት ደረጃ ሊያሳድግ ይችላል፡፡

ሙሉዉን አስነብቡኝ

 

ግብርናን ዘመናዊ እናድርግ

​በአብዛኛዎች የለሙ አገሮች ውስጥ በግብርና ሥራ ተሰማርቶ የሚገኘው ሕዝባቸው በቁጥር ከአስር ከመቶ በታች ነው፡፡ እነዚህ ከአንድ አስረኛ በታች የሆኑ አምራቾች የሚያመርቱት ከአገራቸው አልፎ የዓለም ገብያን ያጥለቀልቃል፡፡ በኢትዮጵያ ውስጥ ከ8ዐ በመቶ በላይ በግብርና የተሰማራው ሕዝብ የሚያመርተው ግን ለአገሩ ሕዝብ አልበቃ ብሎ በየጊዜው የምግብ ችግርና የምግብ ዋጋ ንረት እያስከተለ ይገኛል፡፡ ይህም የሆነው የኢትዮጵያ የአየር ጠባይ በዓመት ሦስት ጊዜ ሰብል ማስገኘቱ እየታወቀ ብሎም መሬቱ ለምነቱ እየታወቀ ነው፡፡